"МЮ" собиқ ҳимоячиси Гэри Невилл жамоанинг амалдаги мураббийи Майкл Кэррикнинг иши борасида ўз фикрларини билдириб ўтди. Кэррик ушбу лавозимга 2026 йилнинг январь ойида тайинланган эди.
"Рождество байрамлари арафасида кўрганларимиздан келиб чиқиб айтсам, Майкл жамоани ҳозирги даражага олиб чиққанидан ҳайратдаман. "Арсенал" ва "Сити"га қарши ўйинлардаги даража ақл бовар қилмас даражада бўлди. Мен буни умуман кутмагандим. Менимча, буни ҳеч ким кутмаган бўлса керак", — дея Невиллнинг сўзларидан иқтибос келтирмоқда Sky Sports нашри.
"Ўйлайманки, бу серия ҳамма учун, жумладан, эҳтимол Майклнинг ўзи учун ҳам шок бўлди. Майкл бу ҳақда ҳатто орзу ҳам қила олмасди. Ҳозир содир бўлаётган воқеаларга қараб, "Манчестер Юнайтед" Чемпионлар лигасига йўлланма олади, деб ҳисоблайман".
АПЛнинг 1 март куни бўлиб ўтган сўнгги ўйинида "МЮ" "Кристал Пэлас"дан устун келди. Учрашув "қизил иблислар"нинг 2:1 ҳисобидаги иродали ғалабаси билан якунланди.
