"Манчестер Сити"нинг машҳур собиқ ярим ҳимоячиси Яя Туре Англия Премьер-лигасидаги чемпионлик пойгаси якуни бўйича ўз прогнози билан ўртоқлашди.
Якшанба куни "Арсенал" "Челси"ни мағлуб этди (2:1) ва "Манчестер Сити" билан орадаги фарқни яна беш очкогача оширди, бироқ "шаҳарликлар"да битта захира ўйини мавжуд. Туренинг сўзларига кўра, Гвардиола жамоаси бу фарқни йўққа чиқариб, чемпионликни қўлга кирита олади.
"Менимча, "Манчестер Сити" "Арсенал"дан яхшироқ ўйнамоқда. Бу ерда гап услуб, тажриба ва ўйинга бўлган ёндашув ҳақида кетмоқда. Ҳа, менинг фикримча, "Сити" Премьер-лигада ғолиб чиқади", — деди ивуарлик собиқ хавбек.
Эслатиб ўтамиз, Яя Туре 2010 йилдан 2018 йилгача "Манчестер Сити" шарафини ҳимоя қилган ва ушбу давр мобайнида уч бор Англия чемпионига айланган.
