"Манчестер Сити" бош мураббийи Хосеп Гвардиола Мадриднинг "Реал" клуби собиқ устози Зинедин Зидан ҳақида ўз фикрларини билдирди.
Франциялик мутахассис футболчи сифатида улкан фаолиятни бошдан кечирган, мураббийликка ўтгач эса "қаймоқранглилар"ни кетма-кет уч марта Чемпионлар лигаси ғолиблигига етаклаган эди.
"Зидан ҳаддан ташқари зўр эди, шунчаки ҳаддан ташқари зўр. Энг буюклардан бири. Унинг ўйини, ўзини тутиши — у ҳақиқий жентльмен. Мураббий сифатида "Реал" билан Чемпионлар лигасидаги учта ғалаба... Футбол Зинедин каби буюк шахсларга лойиқ", — деди Гвардиола.
Эслатиб ўтамиз, "Манчестер Сити" Чемпионлар лигасининг 1/8 финалида "Реал" билан тўқнаш келади. Учрашувлар 11 ва 17 март кунлари бўлиб ўтади.
