«Интер Майами» бош мураббийи Хавьер Маскерано МЛС доирасида «Орландо Сити»га қарши кечган баҳсдаги (4:2) Лионель Мессининг иштироки ҳақида ўз фикрлари билан ўртоқлашди.

«Қўтонлар» биринчи бўлимда ўз дарвозаларидан жавобсиз иккита тўп олиб чиқишган бўлса-да, танаффусдан сўнг ўйинни ўз фойдаларига буриш учун куч топа олишди. Учрашув қаҳрамонига айланган 38 ёшли Месси дубль қайд этди. Аргентиналик юлдуз 90-дақиқада жарима зарбасидан гол уриб, баҳсга якуний нуқтани қўйди.

«Мессининг ўйини ҳақидами? Лео — ушбу спорт тури тарихидаги энг буюгидир. Бугунги ўйинда у буни яна бир бор исботлади», — деди Маскерано матбуот анжуманида.

8 март куни «Интер Майами» МЛС 3-тури доирасида «Ди Си Юнайтед»га қарши майдонга тушади. Айни дамда жамоа ҳисобида уч очко мавжуд.