«Inter Mayami» bosh murabbiyi Xavyer Maskerano MLS doirasida «Orlando Siti»ga qarshi kechgan bahsdagi (4:2) Lionel Messining ishtiroki haqida o‘z fikrlari bilan o‘rtoqlashdi.
«Qo‘tonlar» birinchi bo‘limda o‘z darvozalaridan javobsiz ikkita to‘p olib chiqishgan bo‘lsa-da, tanaffusdan so‘ng o‘yinni o‘z foydalariga burish uchun kuch topa olishdi. Uchrashuv qahramoniga aylangan 38 yoshli Messi dubl qayd etdi. Argentinalik yulduz 90-daqiqada jarima zarbasidan gol urib, bahsga yakuniy nuqtani qo‘ydi.
«Messining o‘yini haqidami? Leo — ushbu sport turi tarixidagi eng buyugidir. Bugungi o‘yinda u buni yana bir bor isbotladi», — dedi Maskerano matbuot anjumanida.
8 mart kuni «Inter Mayami» MLS 3-turi doirasida «Di Si Yunayted»ga qarshi maydonga tushadi. Ayni damda jamoa hisobida uch ochko mavjud.
