«Интер Майами» мураббийи Хавьер Маскерано МЛС доирасида «Орландо Сити» (4:2) устидан қозонилган сафардаги иродали ғалабани юқори баҳолади. Учрашувнинг 49-дақиқасига келиб меҳмонлар 0:2 ҳисобида мағлуб бўлаётган эдилар, шундан сўнг Лионель Месси дубль қайд этиб, вазиятни ўзгартириб юборди.

«Бу ғалаба фақат ва фақат футболчиларга тегишли. Иккинчи бўлимда улар чемпионлик даражасидаги жамоадек ҳаракат қилишди. Ҳеч қандай тактика ёки шунга ўхшаш нарсалар эмас. Улар юракдан ўйнашди, тўпни назорат қилишди, ўйин суръатини қўлга олиб, чидамлилик ва фидойилик кўрсатишди.

Менимча, жамоа [иккинчи бўлимда] ўтган йили чемпион бўлгани учун ҳам ўзгарди. Якунда футболчилар буни кўрсата олишди. Бу уларнинг ғалабаси», — деди Маскерано.