Италия терма жамоаси ва Миланнинг «Интер» клуби ҳимоячиси Алессандро Бастони фаолиятини Англияда давом эттириши мумкин, дея хабар бермоқда «Caught Offside» журналистлари.

Манбанинг таъкидлашича, 26 ёшли футболчини Лондоннинг «Арсенал» клуби ўз сафида кўришни истамоқда. Миланликлар эса, ўз навбатида, музокараларга тайёр эканликларини билдиришган. «Нерадзуррилар» Бастонининг сотувидан 90–100 миллион евро атрофида даромад олишни кўзлашмоқда. Алессандронинг «Интер» билан амалдаги шартномаси 2028 йилнинг ёзига қадар мўлжалланган.

Ҳимоячи Милан гранди сафида 2017 йилнинг ёзидан буён тўп суриб келмоқда. Жорий мавсумда Бастони 33 та учрашувда майдонга тушиб, ўз ҳисобига иккита гол ва олтита голли узатмани ёздириб қўйди.