Лондоннинг "Арсенал" клуби собиқ ҳужумчиси Иан Райт Англия чемпионатининг 28-турида "Челси" устидан қозонилган ғалабадан (2:1) сўнг "канонирлар"нинг асосий камчилиги ҳақида гапирди.
"Арсенал"да ўйин охирларида тез-тез асабийлик кузатилмоқда. Жамоа эркинроқ ўйнаши учун ғалабани анча вақтлироқ нақд қилиб қўйиши керак. Иккинчи бўлимларда Артета шогирдларига қарши рақибларда кўп вазиятлар юзага келмоқда. Ҳозирги пайтда жамоа ўз уйидаги ўйинларда албатта ғалаба қозониши шарт", — дея Райтнинг сўзларини келтиради Daily Mail.
Эслатиб ўтамиз, "канонирлар" айни дамда 64 очко жамғарган ҳолда Премьер-лигада пешқадамлик қилмоқда ва "Манчестер Сити"ни 5 очкога ортда қолдирмоқда.
