Londonning "Arsenal" klubi sobiq hujumchisi Ian Rayt Angliya chempionatining 28-turida "Chelsi" ustidan qozonilgan g‘alabadan (2:1) so‘ng "kanonirlar"ning asosiy kamchiligi haqida gapirdi.
"Arsenal"da o‘yin oxirlarida tez-tez asabiylik kuzatilmoqda. Jamoa erkinroq o‘ynashi uchun g‘alabani ancha vaqtliroq naqd qilib qo‘yishi kerak. Ikkinchi bo‘limlarda Arteta shogirdlariga qarshi raqiblarda ko‘p vaziyatlar yuzaga kelmoqda. Hozirgi paytda jamoa o‘z uyidagi o‘yinlarda albatta g‘alaba qozonishi shart", — deya Raytning so‘zlarini keltiradi Daily Mail.
Eslatib o‘tamiz, "kanonirlar" ayni damda 64 ochko jamg‘argan holda Premyer-ligada peshqadamlik qilmoqda va "Manchester Siti"ni 5 ochkoga ortda qoldirmoqda.
