"Манчестер Юнайтед" собиқ футболчиси Гари Невилл Англия чемпионатининг 2025/2026 йилги мавсуми якунида қайси жамоалар кучли тўртликдан жой олишини тахмин қилди.
"Менимча, "Манчестер Юнайтед" албатта учинчи ўринни эгаллайди. Олти ҳафта олдинги ҳолатимизни ҳисобга олсак, бу гапни айтаётганимга ўзим ҳам ишонмайман. Уларда чалғитувчи омиллар йўқ, ҳаммаси кўнгилдагидек кетмоқда ва ижобий динамика кузатиляпти. Олдинда қийин ўйинлар бор, уларнинг ҳар бири катта синовдир.
Менимча, "Ливерпуль" тўртинчи ўринда финиш қилади. Ягона шубҳа туғдираётган жамоалар — "Челси" ва "Астон Вилла". Мен "Вилла" кучли бешликдан жой олишига жуда умид қиламан. Аввал ҳам айтганман, уларнинг мураббийи тажрибали ва доно инсон. Бироқ ярим ҳимоячиларнинг жароҳатлари сўнгги ҳафталарда уларга анча қимматга тушди", — дея Невиллнинг сўзларини келтиради Sky Sports.
