Зинедин Зидан «Реал»даги фаолияти ҳақидаги хотиралари билан ўртоқлашди.
«Ҳақиқий буюк футболчилар айнан машғулотларда яққол кўринади. «Реал»да мураббий бўлиб ишлаган вақтимда менда худди шундай ҳиссиёт бўларди. Мен индамасдим. Шунчаки Лука Модрич, Тони Кроос, Криштиану Роналду ёки Карим [Бензема]нинг қандай машқ қилаётганини кузатардим. Айтишга сўз йўқ эди, фақат томоша қилиш қоларди холос – уларнинг барчаси ўта иқтидорли ва профессионал эди. Улар ҳеч қачон тўпни йўқотмасди.
Иқтидорнинг бу қадар юқори даражада эканлиги мени мураббий сифатида ҳам руҳлантирарди. Мен ушбу гўзал ўйинимиздаги ўша «учқунни» яна ҳис қилдим. Худди футболчилик давримдагидек. Мен буюк футболчилар билан бирга ўйнаганман. Мен буюк футболчиларни шуғуллантирганман. Бу нарса сизни ҳам яхшироқ бўлишга мажбур қилади», – деди Зидан.
