«Тоттенхэм» клуби АПЛдан тушиб кетган тақдирда, аксарият футболчиларнинг иш ҳақи тахминан 50 фоизга камайтирилади, деб хабар бермоқда The Athletic нашри.
«Ушбу банд Дэниэл Левининг сентябрь ойида бошқарув раиси лавозимини тарк этишидан олдин имзоланган барча шартномаларга киритилган. Бу «Тоттенхэм»ни қуйи лигага тушиб кетишдек ҳалокатли сценарийдан маълум маънода ҳимоя қилади», — дейилади нашр материалида.
28-турдан сўнг «шпорлар» турнир жадвалида 16-ўринни эгаллаб турибди ва хавфли ҳудуддан 4 очко масофада жойлашган. Лондонликлар охирги марта 1977 йилда Чемпионшипга тушиб кетган эди.
