«Реал» Испания чемпионатида 2018/19 йилги мавсумдан буён илк бор кетма-кет икки марта мағлубиятга учради.
Мураббий Альваро Арбелоа жамоаси Ла Лиганинг 26-турида «Хетафе»га (0:1) имкониятни бой берди. Бундан олдинги турда эса мадридликлар «Осасуна»дан мағлуб бўлишган эди (1:2).
«Қаймоқранглилар» 2018/19 йилги мавсумдан бери Испания чемпионатида кетма-кет икки бор ютқазишмаган эди. Ўшанда, 2018 йилнинг октябрида кетма-кет учта, 2019 йилнинг май ойида эса кетма-кет иккита мағлубият қайд этилганди.













