Ла Лига ҳар бир клуб учун таркиб ва мураббийларга сарфланадиган харажатларнинг янгиланган лимити бўйича маълумотларни эълон қилди.

"Барселона"нинг кўрсаткичи ёзги трансфер ойнасидан кейинги 351 миллион евродан, қишки ойнадан сўнг 432 миллион еврогача кўтарилди — бу лигадаги иккинчи натижадир. Қайд этилишича, Испаниянинг амалдаги чемпионлари ҳамон белгиланган чегарадан ташқарида ва "1:1" қоидасига (ҳар бир ишлаб топилган еврони сарфлаш имконияти) амал қила олмаяптилар.

Рухсат этилган харажатлар бўйича "Реал" ҳамон етакчилик қилмоқда. Мадридликлар 761 миллион евро сарфлашлари мумкин — бу сентябрь ойидаги кўрсаткич билан бир хил.

Учинчи ўринда 336 миллион евролик лимит билан "Атлетико" бор — "матрасчилар" аввалги маълумотларга қараганда харажатлар шифтини 10 миллионга оширишган.

Шунингдек, 100 миллион евролик довондан "Вильярреал" (173 млн), "Атлетик" (132 млн), "Реал Сосьедад" (128 млн) ва "Бетис" (122 млн) клублари ҳам ўтишди.

Энг паст кўрсаткич "Леванте"да қайд этилди — жамоанинг лимити 35 миллиондан 17 миллион еврогача қисқарган.