"Хетафе" ҳимоячиси Диего Рико "Реал Мадрид"га қарши ўйинда (1:0) ҳакамликдан норози бўлди.
Футболчининг фикрича, Антонио Рюдигер биринчи бўлимда тиззаси билан унинг юзига атайлаб тепгани учун жазоланиши керак эди.
Ҳакам бу воқеада карточка бермади ва ВАР ҳам аралашмади. Football Espana нашрининг хабар беришича, Риконинг сўзларига кўра, агар у "Реал Мадрид" футболчисига қарши худди шундай қоидабузарлик қилганида, у узоқ муддатли дисквалификацияга учраган бўлар эди.













