"Галатасарой" ҳужумчиси Виктор Осимхен фаолиятини Францияда давом эттириши мумкин эди.
Журналист Себастьян Денис берган маълумотларга кўра, "ПСЖ" нигериялик форвардни сотиб олиш ғоясини рад этган. Бунга унинг эҳтимолий трансфери клубга 150 миллион еврогача тушиши сабаб бўлган. Шунингдек, футболчининг мавсумига 20 миллион евро миқдоридаги улкан иш ҳақи ҳам бор. Бундан ташқари, ҳужумчининг ўйин услуби парижликлар бош мураббийи Луис Энрикени қониқтирмаган.
Виктор Осимхен 2025 йилда "Наполи"дан "Галатасарой"га 75 миллион евро эвазига ўтган эди. Унинг шартномаси 2029 йил 30 июнгача мўлжалланган. Жорий мавсумда форвард турк клуби сафида барча турнирларда 25 та ўйин ўтказиб, 17 та гол урди ва 6 та голли узатмани амалга оширди.
