Мадриднинг "Реал" клуби бош мураббийи Альваро Арбелоа истеъфога чиқарилиши мумкин.
MatchDay Central нашри берган маълумотларга кўра, Мадрид клуби президенти Флорентино Перес 43 ёшли мутахассисга бўлган ишончини йўқотмоқда. Арбелоага бўлаётган босим кучайиб бормоқда. Агар жамоа Ла Лиганинг 27-тури доирасида 6 март куни бўлиб ўтадиган "Сельта"га қарши ўйинда ғалаба қозона олмаса, у "Реал"дан ҳайдалиши мумкин.
Кеча, 2 март куни "Реал" Ла Лиганинг 26-тури доирасида ўз уйида "Хетафе"га 0:1 ҳисобида имкониятни бой берди. Айни дамда Мадрид клуби Испания чемпионати турнир жадвалида 60 очко билан иккинчи ўринда бормоқда. "Қаймоқранглилар" пешқадам "Барселона"дан тўрт очкога ортда қолмоқда. Аввалроқ "Реал" Арбелоа қўл остида Испания Кубогида "Альбасете"га ютқазиб, мусобақани тарк этган эди.
