Madridning "Real" klubi bosh murabbiyi Alvaro Arbeloa iste’foga chiqarilishi mumkin.
MatchDay Central nashri bergan ma’lumotlarga ko‘ra, Madrid klubi prezidenti Florentino Peres 43 yoshli mutaxassisga bo‘lgan ishonchini yo‘qotmoqda. Arbeloaga bo‘layotgan bosim kuchayib bormoqda. Agar jamoa La Liganing 27-turi doirasida 6 mart kuni bo‘lib o‘tadigan "Selta"ga qarshi o‘yinda g‘alaba qozona olmasa, u "Real"dan haydalishi mumkin.
Kecha, 2 mart kuni "Real" La Liganing 26-turi doirasida o‘z uyida "Xetafe"ga 0:1 hisobida imkoniyatni boy berdi. Ayni damda Madrid klubi Ispaniya chempionati turnir jadvalida 60 ochko bilan ikkinchi o‘rinda bormoqda. "Qaymoqranglilar" peshqadam "Barselona"dan to‘rt ochkoga ortda qolmoqda. Avvalroq "Real" Arbeloa qo‘l ostida Ispaniya Kubogida "Albasete"ga yutqazib, musobaqani tark etgan edi.













