Оливер Гласнер жорий мавсум якунланганидан сўнг "Кристал Пэлас" бош мураббийи лавозимини тарк этиши мумкин.

L’Equipe нашри берган маълумотларга кўра, австриялик мутахассис шу ёзда Red Bull глобал футбол бўлинмаси раҳбари лавозимида Юрген Клоппнинг ўрнини эгаллаши кутилмоқда. Клопп мураббийлик фаолиятига қайтиш имкониятларини кўриб чиқаётгани сабабли, ўз лавозимини тарк этиши мумкин.

Оливер Гласнер 2024 йилдан буён "Кристал Пэлас"ни бошқариб келмоқда. Шунингдек, у фаолияти давомида Австриянинг "Рид" ва "ЛАСК", Германиянинг "Вольфсбург" ва "Айнтрахт" клубларида ишлаган. 2012 йилдан 2014 йилгача Гласнер "Ред Булл Зальцбург" клубида бош мураббий ёрдамчиси сифатида фаолият юритган. Унинг қўл остида "Айнтрахт" Европа Лигасида, "Кристал Пэлас" эса Англия Кубоги ва Англия Суперкубогида ғолиб чиққан.