Мадриднинг «Атлетико» клуби бош мураббийи Диего Симеоне Испания Кубоги ярим финал қарама-қаршилигидаги муваффақиятдан сўнг «Барселона» устози Ханс-Дитер Фликка мурожаат қилди.
«Матрасчилар» «Камп Ноу»да 0:3 ҳисобида мағлубиятга учрашди, бироқ дастлабки учрашувдаги 4:0 ҳисобидаги ғалаба эвазига финалга йўл олишди.
«Мен Фликка шундай дедим: «Сизлар ажойиб ўйнаяпсиз ва умид қиламанки, биз Чемпионлар лигаси чорак финалида яна тўқнаш келамиз», — деди Симеоне ўйиндан кейинги интервьюсида.
Эслатиб ўтамиз, Чемпионлар лигаси 1/8 финалида «Атлетико» Лондоннинг «Тоттенхэм» жамоаси билан, «Барселона» эса Англия премьер-лигасининг бошқа бир вакили — «Ньюкасл» билан куч синашади.
