"Манчестер Сити" ҳужумчиси Эрлинг Холанд жароҳатидан қутулди ва майдонга қайтишга тайёр.
Норвегиялик футболчи "шаҳарликлар"нинг "Лидс"га қарши ўтказилган аввалги ўйинини жароҳат сабабли ўтказиб юборган эди. The Touchline нашри хабарига кўра, юлдузли форвард тўлиқ соғайган ва Премьер-лиганинг навбатдаги туридан ўрин олган "Ноттингем Форест"га қарши баҳсда асосий таркибда майдонга тушиши мумкин. Учрашув чоршанба, 4 март куни бўлиб ўтади, ўйин Тошкент вақти билан 00:30 да бошланиши режалаштирилган.
Ҳозирги вақтда Эрлинг Холанд 27 та ўйинда 22 та гол урган ҳолда Англия чемпионати тўпурарлар рўйхатини бошқариб бормоқда, шунингдек, 25 ёшли футболчи етти бор жамоадошларига голли узатма етказиб берган.
