"Челси" мухлислари ҳужумчи Педру Нетудан норози бўлишмоқда.
MatchDay Central маълумотларига кўра, "кўклар"нинг айрим ишқибозлари орасида португалиялик футболчига нисбатан эътирозлар кучаймоқда. Мухлислар ҳужумчининг Англия чемпионати доирасида "Арсенал"га қарши ўйинда олган қизил карточкасидан ғазабдалар. Баъзи мухлислар Нетуни ёзда клубни тарк этишга чақиришмоқда.
Педру Нету 2024 йилда "Вулверхэмптон"дан "Челси"га 60 миллион евро эвазига ўтган эди. Унинг шартномаси 2031 йил 30 июнгача мўлжалланган. Жорий мавсумда ҳужумчи Лондон клуби сафида барча турнирларда 40 та ўйин ўтказиб, 10 та гол урди ва бешта голли узатмани амалга оширди.













