"Chelsi" muxlislari hujumchi Pedru Netudan norozi bo‘lishmoqda.

MatchDay Central ma’lumotlariga ko‘ra, "ko‘klar"ning ayrim ishqibozlari orasida portugaliyalik futbolchiga nisbatan e’tirozlar kuchaymoqda. Muxlislar hujumchining Angliya chempionati doirasida "Arsenal"ga qarshi o‘yinda olgan qizil kartochkasidan g‘azabdalar. Ba’zi muxlislar Netuni yozda klubni tark etishga chaqirishmoqda.

Pedru Netu 2024 yilda "Vulverxempton"dan "Chelsi"ga 60 million yevro evaziga o‘tgan edi. Uning shartnomasi 2031 yil 30 iyungacha mo‘ljallangan. Joriy mavsumda hujumchi London klubi safida barcha turnirlarda 40 ta o‘yin o‘tkazib, 10 ta gol urdi va beshta golli uzatmani amalga oshirdi.