"Манчестер Юнайтед" 31 ёшли португалиялик ярим ҳимоячи Бруну Фернандешга яхшиланган шартнома таклиф қилишга тайёр. Янги келишув шартларига кўра, футболчи ҳафтасига 400 000 фунт стерлинггача маош олиши мумкин.
Бироқ, манбаларнинг таъкидлашича, фаолиятининг ушбу босқичида Бруну Фернандешни пул қизиқтирмаяпти. Португалиялик футболчи агар клуб кейинги мавсум учун Чемпионлар лигаси йўлланмасини қўлга киритсагина, "МЮ"да қолиш ҳақида қарор қабул қилиши мумкин.
Ҳозирда "Манчестер Юнайтед" АПЛда учинчи ўринни эгаллаб турибди ва ушбу позиция орқали асосий еврокубок турнирига йўл олмоқда. Аввалроқ Фернандеш "МЮ"дан Саудия Арабистони чемпионатига ўтиши мумкинлиги ҳақида хабар берилган эди.













