"Атлетико" ярим ҳимоячиси Пабло Барриос Англия Премьер-лигасига кўчиб ўтиши мумкин.
Журналист Экрем Конурнинг маълумотларига кўра, "Челси" 22 ёшли хавбек билан шартнома имзолашга қизиқиш билдирмоқда. Лондон клуби ушбу ёзда футболчининг трансфери бўйича таклиф юборади.
Пабло Барриос "Атлетико" тарбияланувчиси ҳисобланади. Унинг Мадрид клуби билан шартномаси 2030 йилнинг 30 июнигача мўлжалланган. Жорий мавсумда ярим ҳимоячи "матрасчилар" сафида барча турнирларда 32 та ўйин ўтказиб, битта гол урди ва учта голли узатмани амалга оширди. Transfermarkt портали Барриоснинг нархини 60 миллион еврога баҳоламоқда.













