"Манчестер Юнайтед" янги мураббий қўл остида илк бор мағлубиятга учради.
Майкл Кэррик жамоаси АПЛнинг 29-турида "Ньюкасл"га имкониятни бой берди (1:2). Эътиборлиси, "МЮ" бутун иккинчи бўлим давомида майдонда бир киши кўп бўлиб ҳаракат қилди, бироқ 90-дақиқада гол ўтказиб юборди.
"Манкунианлар"нинг собиқ ярим ҳимоячиси январь ойи ўрталарида бош мураббий лавозимини эгаллаган эди. Унинг бошқарувида "МЮ" шу кунгача олтита ғалаба ва бир дуранг қайд этганди.
15 март куни "Юнайтед" "Астон Вилла"га қарши майдонга тушади.













