«Милан» устози Массимилиано Аллегри Мадриднинг «Реал» клуби бош мураббийлигига номзодлардан бири сифатида кўрилмоқда.
«Қироллик клуби» Альваро Арбелоа билан хайрлашиши мумкин, чунки унинг қўл остида жамоа барқарорликка эриша олмади. Шунга қарамай, машҳур инсайдер Фабрицио Романонинг сўзларига кўра, ҳозирча бу миш-мишларга ишонишга эрта.
«Аллегри ва «Реал»? Келгуси ойларда «Реал» билан кўплаб турли номлар боғланишига тайёр туринг. Бугунги кунда клубнинг бирор бир мураббийга бўлган қизиқиши ҳақида тасдиқланган маълумот мавжуд эмас», — деди эксперт.
Эслатиб ўтамиз, шу йилнинг январь ойи ўрталарида Альваро Арбелоа истеъфога чиқарилган Хаби Алонсонинг ўрнини эгаллаган эди.
