Сўнгги вақтларда «Интер Майами» клуби мухлислар Лионель Месси ва унинг жамоадошлари иштирокидаги ўйинларни қулайроқ шароитларда кузатишлари учун янги стадион қурилиши билан банд эди. Ҳозирда ишлар деярли якунланди ва арена тез орада ўз эшикларини очади.

3 март куни «фламинголар» Флоридада стадион номига бўлган тижорий ҳуқуқларни сотишга бағишланган тадбир ўтказдилар. Айнан ушбу маросим давомида аренанинг очилиш санаси — 4 апрель деб эълон қилинди.

Маълумот учун, 5 апрелга ўтар кечаси «Интер» мунтазам чемпионат доирасида «Остин» жамоасини қабул қилади. Шу сабабли, айнан ушбу учрашув янги стадиондаги илк расмий ўйин бўлиши кутилмоқда.