Валид Реграги Марокаш терма жамоасидаги фаолиятини якунлади. Марокаш Қироллик футбол федерацияси мутахассиснинг истеъфосини қабул қилди, деб хабар бермоқда Foot Mercato.
Аввалроқ, жамоа бош мураббийи Африка Миллатлар Кубоги финалида (Сенегалга қарши баҳсда) учралган мағлубиятдан сўнг лавозимини тарк этиш ҳақида ариза бергани хабар қилинган эди.
Эндиликда Реграги ўз келажагини миллий терма жамоалардан ташқарида кўрмоқда ва Европа клубларидан бирини бошқариш истагида. Таъкидланишича, мураббий айни дамда Англия Премьер-лигаси (АПЛ) ва Испания Ла Лигаси жамоалари билан музокаралар олиб бормоқда.
Марокашлик мутахассис Саудия Арабистонидан бўлган манфаатли таклифларни аллақачон рад этган, чунки у Европанинг кучли чемпионатларидаги спорт лойиҳаларида иштирок этишни афзал кўрмоқда.
