Valid Regragi Marokash terma jamoasidagi faoliyatini yakunladi. Marokash Qirollik futbol federasiyasi mutaxassisning iste’fosini qabul qildi, deb xabar bermoqda Foot Mercato.

Avvalroq, jamoa bosh murabbiyi Afrika Millatlar Kubogi finalida (Senegalga qarshi bahsda) uchralgan mag‘lubiyatdan so‘ng lavozimini tark etish haqida ariza bergani xabar qilingan edi.

Endilikda Regragi o‘z kelajagini milliy terma jamoalardan tashqarida ko‘rmoqda va Yevropa klublaridan birini boshqarish istagida. Ta’kidlanishicha, murabbiy ayni damda Angliya Premyer-ligasi (APL) va Ispaniya La Ligasi jamoalari bilan muzokaralar olib bormoqda.

Marokashlik mutaxassis Saudiya Arabistonidan bo‘lgan manfaatli takliflarni allaqachon rad etgan, chunki u Yevropaning kuchli chempionatlaridagi sport loyihalarida ishtirok etishni afzal ko‘rmoqda.