«Ривер Плейт» клуби ўзининг расмий сайтида кейинги хабарнома берилгунга қадар Аргентина футбол ассоциацияси (AFA) ижроия қўмитаси таркибидан чиқишга қарор қилганини эълон қилди.
Клуб ўз қарорини қарорлар қабул қилиш жараёнида «аниқлик ва изчиллик» йўқлиги, шунингдек, клубларни олдиндан огоҳлантирмасдан ёки овоз бериш жараёнисиз тўсатдан қабул қилинаётган қарорлар билан асослантирган.
«Ривер Плейт» институтларнинг уйғун фаолият юритишига ҳамда қарорлар қабул қилувчи коллегиал органларнинг қадрига қатъий ишонади. Бироқ, ижроия қўмитасининг ҳозирги иш услубида ушбу орган томонидан қарорлар қабул қилинишининг аниқ ва изчил жараёнини таъминлаш учун зарур бўлган процессуал кафолатлар мавжуд эмас деб ҳисоблайди», — дейилади пресс-релизда.
«Ривер Плейт» 38 карра Аргентина чемпиони бўлиб, бу мамлакат рекорди ҳисобланади. Клуб, шунингдек, тўрт бор Либертадорес Кубогида ғолиб чиққан.
