Ўтмишда ҳатто «Барселона» шарафини ҳам ҳимоя қилган испаниялик ҳужумчи Адама Траоре ўзининг жисмоний ҳолатини кўз-кўз қилишни яхши кўради — у ҳақиқатдан ҳам ажойиб мушакларга эга.

Футболчининг ўзи бундай қомат унга «генетик мерос» эканига ишонтирса-да, клубдагилар бунга унчалик ишонишмайди. «Вест Хэм» бош мураббийи Нуну Эшпириту Санту эса ўйинчига клубнинг тренажёр залига ташриф буюришни тақиқлаб қўйди. Бунга футболчининг машғулотлар давомида жароҳат олиб, сафдан чиқиши мумкинлиги сабаб қилиб кўрсатилган.

Мураббий бундай қарорга Траоре жамоадоши, нидерландиялик Крисенсио Саммервиллга тренажёр залида ҳазиломуз «чақирув» (challenge) ташлаб, уни видеога олганидан сўнг келган. Ушбу видео Эшпириту Сантунинг эътиборига тушгач, у футболчи учун янги қоида жорий этишга қарор қилди.