Англия Премьер-лигаси 29-турининг якуний ўйинида Лондоннинг «Тоттенхэм» клуби ўз майдонида «Кристал Пэлас»га 1:3 ҳисобида имкониятни бой берди. «Шпорлар» устози Игор Тудорнинг фикрича, биринчи бўлим якунидаги қизил карточка ўйин тақдирини ҳал қилган.

«Бу икки хил ўйин бўлди. Қизил карточка ҳамма нарсани ўзгартириб юборди — ундан кейин бутунлай бошқача ўйин гувоҳи бўлдик. Иккинчи бўлимда нимадир қилишга уриндик, лекин ўхшамади. Мен ҳам мухлислардан кам бўлмаган даражада хафаман. Ишлаш ва муваффақиятга ишониш керак. Ҳозир жамоага ўйиндан олдингига қараганда кўпроқ ишоняпман — кайфият мана шундай бўлиши лозим», — дея Тудорнинг сўзларидан иқтибос келтирмоқда BBC Sport.

Ҳозирда «Тоттенхэм» АПЛ турнир жадвалида бор-йўғи 16-ўринни эгаллаб турибди.