Шу дам олиш кунлари Италияда Миланнинг икки клуби – "Милан" ва "Интер" ўзаро тўқнаш келади. "Милан"нинг собиқ футболчиси ва 2007 йилги "Олтин тўп" соҳиби Рикардо Кака "Милан" рақибини яна мағлуб этишига ва А Сериядаги интригани қайта тиклашига ишончи комил.
"Дерби олдидан ижобий ҳиссиётлар бор. Ўн очколик фарқ менга умидсизлик бўлиб туюлмаяпти. Футболда ҳамма нарсани кўрганман ва "Милан" футболчиларини имконият бор экан, бунга ишонишга чақираман. Дербидаги ғалаба эса бу имкониятларни сезиларли даражада оширади", – дея Каканинг сўзларини келтиради derbyderbyderby.it.
Эслатиб ўтамиз, биринчи даврада "Милан" минимал ҳисобда "Интер"дан устун келган эди.













