Италиянинг "Милан" клуби ва Нидерландия терма жамоасининг собиқ юлдузи Рууд Гуллит бугунги футболдан норози. Унинг фикрича, футбол тобора тактик ва фақат жамоавий ўйинга айланиб бормоқда — Руудга эса Ламин Ямал каби ёрқин индивидуал маҳорат эгалари кўпроқ ёқади.
"Ламин Ямал каби ўйинчилар тобора камайиб бормоқда — у бир ўзи бир нечта рақибни алдаб ўта оладиган инсон. Бугун эса ҳамма фақат пас беради, пас беради ва яна пас беради", — дея Гуллитнинг сўзларини келтиради derbyderbyderby.it.
Эслатиб ўтамиз, Гуллит Нидерландия терма жамоаси ўз тарихидаги ягона йирик соврин — Евро-1988 мусобақасида ғолиб чиққанда жамоа етакчиларидан бири бўлган эди.
