Машҳур италиялик журналист Фабрицио Романо Массимилиано Аллегрининг "Милан"ни тарк этиб, Мадриднинг "Реал" клубига йўл олиши мумкинлиги ҳақидаги миш-мишларга шубҳа билан қарамоқда. Унинг сўзларига кўра, ҳозирда Аллегри бу ҳақда ўйламаяпти, айни дамда эса бор эътиборини фақатгина якшанба куни бўлиб ўтадиган Милан дербисига қаратган.

"Аллегри ҳозир бутунлай ва тўлиқ дербига фокус қаратмоқда. Ҳаттоки "Реал" томонидан қандайдир қизиқиш бўлган тақдирда ҳам, уни билган ҳолда айта оламанки — у бундай ўй-хаёлларни дербидан кейинга суриб қўйган. Умуман олганда, мен буни имконсиз деб ҳисоблайман. "Реал" билан боғлиқ бутун бошли тарих ўтмишда, яъни 2021 йилнинг ёзида қолган. Ҳозирги вақтда Аллегри ўз келажагини "Милан" билан режалаштирмоқда", — дея Романонинг сўзларини келтиради pianetamilan.it.

Аллегри ўтган йилнинг ёзидан буён "Милан"ни бошқариб келмоқда.