Мадриднинг «Реал» клуби собиқ футболчиси Иван Эльгера клуб раҳбариятининг Альваро Арбелоани бош мураббий лавозимига тайинлаш ҳақидаги қароридан норози.

«Қаймоқранглилар»нинг амалдаги устози Хаби Алонсонинг ўрнини эгаллаб, январда ўз лавозимига киришган эди.

«Рауль кўп йиллар давомида «Кастилья»ни бошқарди, лекин улар негадир асосий жамоага илгари биринчи жамоада ишламаган Арбелоани тайинлашга қарор қилишди. Бу кетма-кет хатолар, мантиқсиз ўзгаришлардир. Аслида, ҳаммаси фақат ёмонлашди.

Алонсонинг ишдан бўшатилиши мантиққа тўғри келмасди, лекин уни олиб ташлашга қарор қилган бўлсангиз, сизга бундай вазиятларда тажрибага эга бўлган инсон керак эди, ҳеч қачон бундай ҳолатга тушмаган йигит эмас. Менимча, Рауль бу ишни яхшироқ уддалаган бўларди. У сардор бўлган, унда характер ва инқирозли ҳолатларда ишлаш тажрибаси бор. Арбелоа муносиб номзод эди, деб ўйламайман», — дея Madrid Universal Эльгеранинг сўзларини келтирмоқда.

Ҳозирги вақтда «Реал» Ла Лигада «Барселона»дан тўрт очко ортда қолган ҳолда иккинчи ўринни эгаллаб турибди.