Madridning «Real» klubi sobiq futbolchisi Ivan Elgera klub rahbariyatining Alvaro Arbeloani bosh murabbiy lavozimiga tayinlash haqidagi qaroridan norozi.
«Qaymoqranglilar»ning amaldagi ustozi Xabi Alonsoning o‘rnini egallab, yanvarda o‘z lavozimiga kirishgan edi.
«Raul ko‘p yillar davomida «Kastilya»ni boshqardi, lekin ular negadir asosiy jamoaga ilgari birinchi jamoada ishlamagan Arbeloani tayinlashga qaror qilishdi. Bu ketma-ket xatolar, mantiqsiz o‘zgarishlardir. Aslida, hammasi faqat yomonlashdi.
Alonsoning ishdan bo‘shatilishi mantiqqa to‘g‘ri kelmasdi, lekin uni olib tashlashga qaror qilgan bo‘lsangiz, sizga bunday vaziyatlarda tajribaga ega bo‘lgan inson kerak edi, hech qachon bunday holatga tushmagan yigit emas. Menimcha, Raul bu ishni yaxshiroq uddalagan bo‘lardi. U sardor bo‘lgan, unda xarakter va inqirozli holatlarda ishlash tajribasi bor. Arbeloa munosib nomzod edi, deb o‘ylamayman», — deya Madrid Universal Elgeraning so‘zlarini keltirmoqda.
Hozirgi vaqtda «Real» La Ligada «Barselona»dan to‘rt ochko ortda qolgan holda ikkinchi o‘rinni egallab turibdi.
