«Ливерпуль»нинг бўлажак янги аъзоси, айни дамда «Ренн» шарафини ҳимоя қилаётган Жереми Жаке оғир жароҳат олди.
Яқинда 20 ёшли марказий ҳимоячининг елкасида жарроҳлик амалиёти ўтказилиши зарурлиги маълум бўлди. L'Equipe нашрининг хабарига кўра, франциялик футболчининг тикланиши олти ойгача вақт олиши мумкин. Шу тариқа, ўйинчи «Ливерпуль»даги дебют мавсумининг бошланишини ўтказиб юбориш хавфи остида қолмоқда.
Англия гранди Жереми Жаке трансферини шу йилнинг январь ойида расмийлаштирган эди. Унинг «Энфилд»га ўтиши жорий мавсум якунланганидан кейин амалга ошиши белгиланган. Келишув қиймати 60 миллион евродан кўпроққа баҳоланмоқда.
Жорий мавсумда Жаке «Ренн» сафида 21 та ўйинда майдонга тушди ва самарали ҳаракатлари билан ажралиб турмади.
