«Бавария» ярим ҳимоячиси Александр Павлович «Челси» клуби эътиборини тортди.

Caught Offside нашрининг маълумотларига кўра, «кўклар» ярим ҳимоячининг эҳтимолий трансфери бўйича «Бавария»га мурожаат қилишга тайёр. Лондон клуби футболчининг ўтиши учун 65 миллион евро тўлашга рози. Яқин орада «Челси» Германия чемпионлари билан музокараларни бошлаши кутилмоқда, бироқ ҳозирги босқичда келишув амалга ошиши эҳтимоли паст кўринмоқда. «Бавария» ўз футболчисини сотиш ниятида эмас.

Александр Павлович «Бавария» клуби тарбияланувчиси ҳисобланади. Унинг амалдаги шартномаси 2029 йилнинг 30 июнига қадар мўлжалланган. Жорий мавсумда ярим ҳимоячи мюнхенликлар сафида барча турнирларда 32 та ўйинда майдонга тушиб, 3 та гол урди ва битта голли узатмани амалга оширди. Transfermarkt портали Павловичнинг бозор қийматини 65 миллион еврога баҳоламоқда.