«Барселона» ҳимоячиси Пау Кубарси «Атлетико»га қарши кубокнинг дастлабки учрашувида ҳисобга олинмаган гол ҳақида фикр билдирди.

«Эҳтимол, «Метрополитано»да бекор қилинган ўша гол бизга ёрдам берган бўларди. У ерда айнан нима содир бўлгани бизга унчалик тушунарли эмас, лекин агар ҳакам вазиятни шундай баҳолаган бўлса, демак, қарор тўғри бўлган. Биз бунга ёпишиб олмасдан, нималарни яхшироқ қилишимиз мумкин бўлгани ҳақида бош қотиришимиз керак», — дея Кубарсининг сўзларини келтирмоқда Barça Universal.

Эслатиб ўтамиз, ярим финалнинг биринчи ўйинида «Барселона» сафарда 0:4 ҳисобида имкониятни бой берган эди. Жавоб баҳсида каталонияликлар 3:0 ҳисобида ғалаба қозонишди (Марк Бернал дубль қайд этди, Рафинья пенальтидан гол урди), бироқ бу натижа финалга чиқиш учун етарли бўлмади (умумий ҳисоб — 3:4).