«Barselona» himoyachisi Pau Kubarsi «Atletiko»ga qarshi kubokning dastlabki uchrashuvida hisobga olinmagan gol haqida fikr bildirdi.

«Ehtimol, «Metropolitano»da bekor qilingan o‘sha gol bizga yordam bergan bo‘lardi. U yerda aynan nima sodir bo‘lgani bizga unchalik tushunarli emas, lekin agar hakam vaziyatni shunday baholagan bo‘lsa, demak, qaror to‘g‘ri bo‘lgan. Biz bunga yopishib olmasdan, nimalarni yaxshiroq qilishimiz mumkin bo‘lgani haqida bosh qotirishimiz kerak», — deya Kubarsining so‘zlarini keltirmoqda Barça Universal.

Eslatib o‘tamiz, yarim finalning birinchi o‘yinida «Barselona» safarda 0:4 hisobida imkoniyatni boy bergan edi. Javob bahsida kataloniyaliklar 3:0 hisobida g‘alaba qozonishdi (Mark Bernal dubl qayd etdi, Rafinya penaltidan gol urdi), biroq bu natija finalga chiqish uchun yetarli bo‘lmadi (umumiy hisob — 3:4).