«Монако» клуби ўзининг ижтимоий тармоқлардаги саҳифаларида янги пост қолдирди. «Қизил-оқлар» бундан роппа-роса 10 йил аввал ҳужумчи Килиан Мбаппе клуб билан ўзининг илк профессионал шартномасини имзолаганини ёдга олишди.
«10 йил олдин Килиан Мбаппе «Монако» билан илк профессионал шартномасини имзолаган эди. Ҳаммаси бошланган жой», — дея монегасклар 2016 йилда футболчи шартнома имзолаганидан сўнг клуб формаси билан тушган эски видеосига изоҳ қолдиришди.
Мбаппе 2017 йил ёзининг охиригача «Монако» шарафини ҳимоя қилган, шундан сўнг «ПСЖ»га ўтган эди. 2024 йил июль ойидан бошлаб Килиан «Реал Мадрид» шарафини ҳимоя қилмоқда. Ҳозирда франциялик юлдуз тиззасидаги жароҳатидан тикланиш жараёнини ўтамоқда.













