«Monako» klubi o‘zining ijtimoiy tarmoqlardagi sahifalarida yangi post qoldirdi. «Qizil-oqlar» bundan roppa-rosa 10 yil avval hujumchi Kilian Mbappe klub bilan o‘zining ilk professional shartnomasini imzolaganini yodga olishdi.
«10 yil oldin Kilian Mbappe «Monako» bilan ilk professional shartnomasini imzolagan edi. Hammasi boshlangan joy», — deya monegasklar 2016 yilda futbolchi shartnoma imzolaganidan so‘ng klub formasi bilan tushgan eski videosiga izoh qoldirishdi.
Mbappe 2017 yil yozining oxirigacha «Monako» sharafini himoya qilgan, shundan so‘ng «PSJ»ga o‘tgan edi. 2024 yil iyul oyidan boshlab Kilian «Real Madrid» sharafini himoya qilmoqda. Hozirda fransiyalik yulduz tizzasidagi jarohatidan tiklanish jarayonini o‘tamoqda.
