«Челси» устози Лиам Росеньор имкон қадар тезроқ соврин қўлга киритиш у учун нақадар муҳимлиги ҳақидаги саволга жавоб берди.
«Айнан шу мақсадда мен шу ердаман. Бу ўйинчи, мураббий ёки менежер сифатида ҳар бир инсон орзу қиладиган нарса. Англия Кубоги — ўзининг анъаналари ва тарихига эга ажойиб турнир. Бироқ, ҳозир биз диққатимизни совринлар ёки финалларга эмас, балки «Рексхэм»га қарши ўйинга қаратишимиз керак. Агар фақат кубок ҳақида ўйлайверсангиз, катта эҳтимол билан ҳеч нарса юта олмайсиз. Энг муҳими — навбатдаги ўйин, бу ҳақиқат», — деди Росеньор матбуот анжуманида.
Англия Кубоги 1/8 финали доирасидаги «Рексхэм» — «Челси» учрашуви 7 март куни Тошкент вақти билан соат 22:45 да бошланади.
