Игор Тудор «Тоттенхэм» бошқарувида атиги учта ўйин ўтказди ва уларнинг барчасида жамоа мағлубиятга учради. «Шпорлар»нинг турнир жадвалидаги ҳолати аянчли — хавфли ҳудуддан бор-йўғи бир очко ажратиб турибди. Лондон клуби раҳбарияти Тудорни ҳозироқ ишдан бўшатиши мумкинлиги ҳақида маълумотлар тарқалган эди.

Бироқ, «talkSPORT» хабарига кўра, «Тоттенхэм» ҳозирча Тудорни истеъфога чиқармайди. Айнан хорватиялик мутахассис жамоани Чемпионлар лигаси доирасида «Атлетико»га қарши бўлиб ўтадиган ўйинга тайёрлайди. Мадриддаги баҳс сешанба куни, 10 март санасида бўлиб ўтади.

Эслатиб ўтамиз, «Тоттенхэм» февраль ойида бош мураббий Томас Франкни вазифасидан озод этган эди.

Пайшанба куни «Тоттенхэм» ўз майдонида «Кристал Пэлас»га 1:3 ҳисобида имкониятни бой берди.