Олий лиганинг бу йилги мавсумида "Пахтакор"ни уйда ҳам, сафарда ҳам мағлубиятга учратган "Олмалиқ" жамоаси бош мураббийи бугунги учрашувдан сўнг матбуот анжуманида иштирок этиб ўз фикрларини баён қилди.

Игорь ШКВИРИН (“Олмалиқ” бош мураббийи): - “Пахтакор”га қарши ўйиндан кўнглим тўлди. Биринчи марта бу рақибни сафарда мағлубиятга учратдик. Бу жуда ёқимли, албатта. Йигитлар берилган кўрсатмаларни бажаришга интилишди. Керак бўлмаган қизил карточкадан кейин аҳволимиз оғирлашди, лекин футболчилар ўзларини кўрсатишди. Қарши ҳужумларда мезбонларга муаммо туғдирдик. Лекин барча ўйинларда шундай ҳаракат қилишга футболчиларнинг руҳий ҳолати етмаяпти. “Пахтакор”да  ҳам асосий муаммо шу билан боғлиқ. Лекин икки йилдан сўнг улар жуда яхши жамоага айланишади".