«Ливерпуль» Англия Кубогининг 1/8 финали доирасида кечган баҳсда «Вулверхэмптон» устидан 3:1 ҳисобида ғалаба қозонди.
Учрашувнинг биринчи бўлимида ҳисоб очилмаган бўлса-да, иккинчи бўлимда Арне Слот шогирдлари ўйин тизгинини ўз қўлларига олишди. Энди Робертсон ва Муҳаммад Салоҳнинг кетма-кет голлари меҳмонларни олдинга олиб чиқди. Баҳс якунида Кертис Жонс учинчи голни уриб, ғалабани мустаҳкамлади. Мезбонлар сафида Ҳван Хи Чхан сўнгги дақиқаларда битта жавоб тўпини киритишга муваффақ бўлди.
Шу тариқа, «Ливерпуль» бир неча кун аввал АПЛ доирасида ушбу рақибдан қабул қилинган мағлубият (1:2) учун муносиб реванш олди ва турнирдаги юришини давом эттирадиган бўлди.
Англия Кубоги. 1/8 финал
07.03.2026 | 01:00
«Молинью Стэдиум», Вулверхэмптон
«ВУЛВЕРХЭМПТОН» — «ЛИВЕРПУЛЬ» — 1:3
Голлар: Эндрю Робертсон 51’ (0:1), Муҳаммад Салоҳ 53’ (0:2), Кертис Жонс 74’ (0:3), Хван Хи Чхан 90+1’ (1:3).
«Вулверхэмптон»: Джонстон, С. Буэно, Т. Гомеш (Р. Гомеш, 75), Москера, Ж. Гомес, Беллегард, Мане, У. Буэно (Вольфе, 88), Чачуа, А. Гомеш (Армстронг, 61), Арокодаре (Хван Хи Чхан, 75).
«Ливерпуль»: Алиссон, Жо Гомес, ван Дейк (Конате, 81), Робертсон, Собослаи, Макаллистер (Ньони, 82), Гравенберх, Жонс, Нгумоха (Фримпонг, 69), Салоҳ (Вирц, 69), Гакпо (Моррисон, 86).
Огоҳлантиришлар: С. Буэно (17), Собослаи (71), Ж. Гомес (90).
