«Манчестер Сити» клуби «Ноттингем Форест» ярим ҳимоячиси Эллиот Андерсоннинг трансфери устида иш олиб бормоқда.
Topskills Sports UK нашрининг хабар беришича, «шаҳарликлар» 23 ёшли футболчининг келажакдаги трансфер шартлари бўйича «ўрмончилар» билан дастлабки келишувга эришишга яқин туришибди. Келишув суммаси 60 миллион фунт стерлингни (69 миллион евродан ортиқ) ташкил этади, бонуслар билан бирга эса бу кўрсаткич 70 миллион фунтга (80 миллион евродан ортиқ) етиши мумкин. Катта эҳтимол билан, ярим ҳимоячининг ўзи ҳам тез орада Манчестер грандига розилик жавобини беради.
Эллиот Андерсонга Премьер-лиганинг бошқа топ-клублари ҳам қизиқиш билдирган эди. Футболчи ўтган йилнинг сентябрь ойидаги дебютидан бери Англия терма жамоаси сафида олтита ўйин ўтказишга улгурди.
