«Ювентус» клуби канадалик ҳужумчи Жонатан Дэвидни ёзги трансфер ойнасида сотишга тайёр. Бу ҳақда журналист Экрем Конур хабар бермоқда.

Манбанинг маълумотларига кўра, агар туринликлар янги топ-ҳужумчи билан шартнома имзолашса ва Душан Влахович билан келишувни узайтиришса, 26 ёшли футболчини қўйиб юборишади. Бу ҳақда Англия Премьер-лигасининг қуйидаги клублари аллақачон хабардор қилинган: «Манчестер Юнайтед», «Астон Вилла», «Ньюкасл», «Тоттенхэм», «Брайтон», «Эвертон», «Сандерленд», «Ноттингем Форест» ва «Лидс».

Жорий мавсумда Дэвид барча турнирларни ҳисобга олган ҳолда 37 та ўйинда иштирок этди, 7 та гол урди ва 5 та голли узатмани ўз ҳисобига ёзиб қўйди.